洋媚女子：黑色午夜心急到底

相對於一開波就肉搏嘅四仔，有劇情嘅作品喺製作上，點都認真啲，畢竟要有個劇本先拍到，而呢套由Vixen推出嘅《Psychosexual》，稱得上係本年度最強嘅四仔劇情片之一。影片由近年演而優則導嘅Kayden Kross執導，並搵嚟炙手可熱嘅天后級脫星Gianna Dior孭飛。故事講述Gianna有異於常人嘅性慾，因長期接受治療，慢慢成為一位性治療師，但隨住生活壓力愈嚟愈大，舊病開始復發，只能偷偷用各種情趣玩具嚟滿足肉體上嘅空虛，而喺呢個時候，佢發現咗丈夫背住自己玩女人，於是決定一不做二不休，盡情放縱自己嚟滿足身心嘅慾望。

四仔戲名通常唔會太複雜，好多時一睇就知內容大概講乜嘢，好似呢套由Deeper推出嘅《Three #2》，好明顯係以三人行為主題。影片搵嚟Lena Paul、Laney Grey、Kenzie Reeves等多位脫星演出，當中分為兩個故事，都係講述因丈夫對性變得冷淡，身為人妻嘅脫星索性豁出去，希望以深宵三人行嚟喚起另一半嘅慾火。雖然橋段有啲老套，但勝在一班脫星魅力十足，尤其係今年23歲嘅Laney Grey，床技出色之餘，床上反應更加令人睇得興奮，難怪有唔少美國四仔迷都被佢迷倒。

代號：廿八座大王

年資：30年

活躍地點：油麻地一帶

簡評：今次介紹嘅四仔都屬於高質之選，特別係《Psychosexual》，劇情極具觀賞性，由天后級脫星Gianna Dior孭飛，佢唔止身材迷人，演技同床技都好出色；至於《Three #2》，最啱鍾意睇三人行題材嘅四仔迷，加上一眾脫星嘅傾情演出，絕對係午夜娛樂嘅好選擇。

撰文：魂