有性趣：改善遺精按壓志室穴

志室穴嘅別名為精宮穴，屬足太陽膀胱經，位於腰部第二腰椎棘突下，旁開3寸，喺腎俞旁邊。

適當地刺激志室穴，有助治療腰脊痛、遺精、陽萎、小便不利、陰中腫痛、腎炎、前列腺炎等等，亦可影響副腎分泌同脂肪代謝有關嘅賀爾蒙，對於除去脂肪、治療腹部贅肉有幫助，亦可以強化夫妻之間嘅性生活質素！

想刺激志室穴，可以用按摩手法，以拇指按揉，力度要均勻，按揉到穴位有痠痛感為佳，每次可按摩約2至3分鐘。如果想加強治療遺精，可以用同樣手法按摩埋位於腰部後面嘅命門穴。