今夜一丁 ：Maddy May虛擬實境女王

提起鄉村姑娘，大家會覺得佢哋純情又樸素，只係嚟自美國阿肯色州小石城嘅Maddy May，卻話畀大家知其實好色無分區域，佢坦言自己天生好色、無性不歡，所以決定投身四仔界。

入行前，佢喺一間艷舞俱樂部做接待員，憑住亮麗外形及魔鬼身材，被經理睇中邀請加入艷舞團，經過努力練習舞藝後，佢成為俱樂部嘅人氣艷舞女郎。及至2019年，再轉做成人網絡直播，以火辣艷舞吸引網民，亦因此而被四仔星探發掘，就係咁加入四仔界，處女作係為成人網站Exploited College Girls演出口愛四仔短片，由於反應理想，所以為佢打下強心針。

之後佢大膽挑戰演出三人行，拍攝當日佢表現得好緊張，事關對手就係人氣脫星Delilah Day同四仔男神J. Jay。事後，佢話能夠同兩位前輩合作，令佢獲益良多，尤其係學習到口愛技巧。

而講到佢人氣大爆發，就要數到2020年8月為專門製作虛擬實境四仔片廠WankzVR演出嘅作品《Big Dong》，片中佢不但展現狂野癡女本色，忘我嘅情慾演出，更係令四仔迷睇到興奮無比。而廠方見作品大受歡迎，於是搵佢再添食，演出《The Witch Is Fed》，唔單止有大量口愛演出，更有唔少汁液橫飛嘅場面，令四仔迷睇得相當過癮，同時令佢嘅人氣極速攀升，不但獲封為「虛擬實境女王」，更喺AVN頒獎禮獲提名「最佳新進脫星」，足見實力強勁。有四仔評論員認為Maddy May嘅出現正好填補現今四仔界缺乏嬌少身形脫星嘅情況，尤其當佢拍住高大男優演出時，更令觀賞性大增，故此爆紅可以話係意料中事。

雖然Maddy May人氣爆紅，演出作品更係一部接一部，但其實佢一直冇停過做成人直播，憑住出色嘅艷舞表演，直播觀眾群人數大幅攀升，吸金力超勁！另外，佢亦會定時喺社交網派福利，以滿足粉絲嘅眼球。

網址：https://twitter.com/onlymaddymay

出生日期：1993年12月22日

身高：157cm

三圍：34D-24-36

撰文：魂