有性趣：引動春催動情慾

佢嚟自作者及出版均不詳嘅《毓麟驗方》之中，材料分別有曬乾嘅百花蕊1両、柳絮花、鬧羊花及紫霄花各3錢，另有麝香1分，做法相當簡單，只需要將所有材料混合並碾成細末便可。用法係每次曳曳前，先取出一錢粉末伴以酒或茶飲用，據書中稱服後「其自動矣」，意思即係會令人慾火焚身，然後主動埋身展開激烈大戰。

至於點解叫大家千祈咪亂嚟呢？原來問題出喺鬧羊花度，佢又名羊躑躅、黃杜鵑、鬧頭花、石棠花等，據《神農本草經》稱鬧羊花味辛，具有祛風除濕、散瘀定痛等作用，不過佢同時亦含有毒性，服用過量會出現惡心、腹痛、心動過緩、呼吸困難等，嚴重嘅更會因呼吸衰竭而死，所以真係唔可以亂試呀！