今夜一丁：水湊美緒 挑戰最大露出度

好多人以為只要個胸夠大，男人都會忍唔住望多兩眼，但要成功令男人着迷，胸形一定要生得靚，好似上圍達P Cup嘅風子，雖然車頭燈好似籃球咁大，但拍埋AV都冇辦法突圍。至於今年24歲嘅美緒，上圍只係D Cup，但生得飽滿又堅挺，仲好有彈性，所以被稱為「至極之美胸」，迷倒唔少男士。除咗胸形夠靚，阿妹仲有一副甜美嘅樣子，氣質清純，笑容好有陽光氣息！

美緒讀大學時已愛玩Cosplay，後來仲去到福岡一間女僕咖啡店打工。講真以阿妹咁標青嘅外形，唔做模特兒真係嘥料，佢亦知道自己有本錢喺演藝圈發圍，所以冇幾耐之後就去咗東京，先做模特兒吸人氣，繼而獲得加入女子組合嘅機會，家陣已經成為7人女子組合babababambi嘅成員。除咗喺舞台唱歌跳舞之外，美緒亦會拍吓寫真，最近仲有幸推出首本實體寫真集添！

正如之前所講，唔係個個女優都可以享有推出實體作品嘅待遇，飲水思源嘅美緒，為咗隆重其事，決定返回福岡同九州取景，仲特別去到娘家演出！阿妹話，要喺自己屋企擺出晒胸又翹臀動作，真係有少少唔習慣，但可以同自己嘅愛貓一齊演出，心情又好興奮。另外，佢仲表示，呢次寫真演出可以話豁出去，挑戰個人最高露出度，甚至試過上身全裸對住鏡頭，只係用少少物件遮住重要部位，真係好誘人！

身為女團成員嘅水湊美緒，經常隨組合四圍表演，所以登入佢嘅社交網，可以第一時間掌握組合嘅最新消息，當然仲會睇到唔少性感相片，大飽眼福。

網址：https://twitter.com/minato__mio