昔日東方有性趣：魚肚 補精益血
天氣開始凍，好多人都會食吓滋補菜，少不免會用到鮑參翅肚等名貴食材，當中嘅「肚」，即係魚肚，又名花膠，除咗以膠質含量豐富而聞名，仲可以補精益血，對男人維持雄風好有幫助！
海產八珍之一
魚肚即係魚鰾，形狀有卵圓形、圓錐形、馬蹄形等等，一般分為4類，分別係廣肚、扎膠、花膠筒同鱔肚，位列海產八珍之一。
歸肝、腎經
喺中醫學角度，魚肚味甘，性平，歸肝、腎經，具有滋陰養血、補腎固精、固本培元、健腰膝等作用，唔少中醫藥典籍都有記載魚肚嘅好處。
男士啱食
好多人都知道魚肚係女性養顏養生嘅恩物，但其實魚肚能促進精囊分泌果糖，令男士精神飽滿，佢又能增強肌肉韌性和彈力，適合腰膝痠軟、身體虛弱嘅男士。
蛋白質豐富
值得一提，魚肚經煮熟之後會變得相當黏口，原因係魚肚含豐富嘅大分子膠原蛋白質，易被人體吸收，從營養學角度睇，魚肚嘅成分可以促進生長發育、增強抗病能力，甚至可以延緩衰老呢！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
