有性趣：速成接吻達人

作者表示吻有好多種，從曖昧之吻、浪漫之吻、離別之吻到誘惑之吻等，每種吻都牽引出各種唔同嘅情感，只係對接吻初哥嚟講，不論任何一種吻，當佢伸出舌頭一刻便出事！接吻最重要係畀到對方有想像空間，亂咁伸脷嘅同時又亂咁舔，效果不但適得其反，更會令人反感，故此作者一開始便以輕吻為講述重點。

原來輕吻唔係蜻蜓點水咁簡單，更可以分為清純式、啄木鳥式、推饅頭式等多種，而喺輕吻後就到深吻，當中有超過12個要訣。基本功夫學齊之後，便能進身成高手系吻技，其後就係出神入化系，而當中嘅招式確係名副其實，好似鯡魚卵天井、攪拌蜜壺、三文治式等等，猶如武林招式一樣，練成之後必定能夠成為接吻達人。