有性趣：雞肝補血益腎

從中醫角度嚟講，雞肝味甘，性溫，歸脾、肝、腎經，具有滋補肝腎嘅功效，對於治療肝虛目暗亦有效用。好多中醫藥典籍都有記載利用雞肝入藥嘅方劑，如《千金方》稱雞肝可治陰痿，材料包括雞肝2個及菟絲子，將雞肝曬乾後，連同菟絲子碾成細未，以煉蜜搓成丸狀便可，每日服3粒。另外，據《本草網目》稱雞肝同桂心製成嘅藥丸，有助改善遺尿情況。

雞肝除咗具有藥用價值，本身亦含有豐富蛋白質、鈣、磷、鐵、鋅、維他命A及維他命B。當中嘅鐵質更係相當豐富，屬於補血食品，而佢含嘅維他命A亦遠遠超過牛奶同雞蛋，可以維持健康嘅生殖機能，仲可以保護眼睛維持視力。不過，雞肝始終都含有高膽固醇，所以千祈唔好過量進食。