今夜一丁：深水晶巨乳車女四圍釣

提到釣魚，日本四面環海，想釣魚真係有好多好去處，可能因為咁造就好多人培養出釣魚嘅嗜好。而喺寫真界亦有好多女優鍾意釣魚，好似吉野七寶實就因為熱愛釣魚，又鍾意將收穫製作成魚乾而聞名，除咗佢之外，今日同大家見面嘅深水晶亦係一位釣魚發燒友。

今年26歲嘅佢容顏端莊四正，俏麗又甜美，同人氣寫真女優大貫彩香有幾分相似。不過，論身材晶妹就明顯更為吸睛，一來身高有170cm夠晒高挑，二來上圍一對F奶脹卜卜又夠堅挺，比彩香更加激凸，配合埋小麥色肌膚，散發出陽光活力同野性味道，令人精神一振！

佢喺今年初投身寫真界，直至9月先推出首部寫真DVD作品《Ottimo》，結果備受好評，原因當然係晶妹副偈夠弗又辣度十足，令寫真迷相當期待佢未來會有更加精彩嘅寫真作品。

除咗拍寫真，佢亦係一位賽車女郎，現時以SUPER GT車女身份登場。另外，晶妹比起好多寫真妹更有前途，一早就加入電視台，近期演出嘅節目包括有《ガッ釣り關西》，當中佢會帶觀眾四圍尋找釣魚勝地，而佢亦會表演釣大魚添！個人認為晶妹仲可以行多一條搞笑路線，因為佢喺一次訪問當中被問到未來嘅夢想係乜，阿妹居然話想老咗之後入住豪華老人院，真係夠晒風趣幽默！

喺深水晶嘅社交網入面，除咗可以睇到好多性感寫真，亦可以見到佢以賽車女郎身份演出嘅情況，同時又可以知道阿妹最近去咗邊度釣魚，事不宜遲，快啲Click入去睇睇喇！

網址：https://twitter.com/fkm_akr

年齡：26歲

身高：5呎7吋

三圍：35F-23-35

撰文：賢