有性趣：性愛中慢的真諦

亞當德永嘅身份相當有趣，事關佢喺名古屋藝術大學畢業後，便前往美國發展，1988年獲得按摩師資格後，便開始研究女性性感帶及高潮。1991年返回日本創立M&W性高潮研究所，並喺14年間透過逾千名女性研究者身上，總結出名為「亞當性愛理論」嘅兩性理論，其後更開辦課程教授促進男女關係，而呢本書正係綜合佢嘅理論及經驗，為男士帶嚟性愛中慢的真諦。

書中一開始，便指出早洩唔係不治之症，最重要係唔好因此而感到自卑，否則失去自信後，就真係會失去雄風。跟住佢解釋何謂早洩，而改善早洩嘅重點，卻在於控制力，透過鍛煉法便能夠從當初嘅1分鐘，增加到3分鐘，甚至係兩小時以上，成功提升持久力。而鍛煉法嘅重點唔係兵器，而係在於大腦，當掌握發射控制力後，魚水之歡便會變得美滿。究竟點樣控制大腦？大家就要睇呢本書點講喇！