宅男天地：異能巨乳之亂

異能、巨乳加愛情，集合3大人氣元素於一身嘅十八禁遊戲作品，電玩迷有冇興趣一試呢？講緊嘅係呢款由Propeller推出嘅《讓葉之詩～異能力組織犯罪對策部 特殊機動隊 第二課～》。故事講述二戰後，全球各地湧現一批具備異能或外形特異嘅人類，令世界陷入混亂。日本政府有見及此，特別搞咗個「異能力組織犯罪對策部」，戰鬥力強、頭腦冷靜兼且由玩家操控嘅男主角神彌綜人，就係呢個部門嘅第二課司令，喺佢嘅手下，能人眾多，而且清一色係爆乳女郎，包括巨乳支持部部長古御門紗香、巨乳貓女資深隊員葛葉神耶、巨乳犬娘副官月島等等。玩家喺解決問題嘅同時，仲要同一眾巨乳女郎進行深入嘅「交流」，真係好忙呀。