有性趣：食動物人參唔會變鵪鶉！

鵪鶉一向係膽小怯懦的代名詞，但其實呢種又名鶉鳥嘅小家禽，頭細尾巴短，披住一身灰啡色羽毛，個樣都幾可愛，味道亦相當唔錯。

喺中醫角度，鵪鶉性甘而平和，具有益中補氣、滋補肝腎、強壯筋骨等功效，好啱秋冬季食用。醫學典籍《本草綱目》就有以下記載：「滋補五臟，益中續氣，實筋骨，耐寒暑，消熱結。」

營養方面，佢嘅蛋白質含量係禽畜中數一數二，脂肪比例比雞胸肉仲要少，更含有維他命B、E、K同鐵質等，難怪被譽為「動物人參」。