有性趣：強壯丸愈戰愈強

「強壯丸」記載於作者及出版年份皆不詳嘅偏方奇書《毓麟驗方》當中，材料分別有母丁香3分、樟腦1錢、螻蛄3隻、去皮獨頭蒜1個、麝香1錢、木鱉果1個及硫黃1錢，另要準備芋艿、蕎麥麵及糯米。做法係先將所有材料碾成細末，釀入芋艿之中，然後用蕎麥麵包裹，連同糯米加水煮熟後，取出芋艿搗爛搓成丸狀便可。

用法係喺行房前，先取出一粒丸塞入肚臍內，當藥效發作時兵器自然會硬直，跟住就可以進行翻雲覆雨，據稱能夠「長戰長有，去藥則洩矣」，真係夠晒神奇！

材料中嘅芋艿，其實即係芋頭仔，據《滇南本草》稱能「治中氣不足，久服補肝腎，添精益髓」。另外，螻蛄係一種昆蟲，又叫土狗，係蚱蜢和蟋蟀嘅近親，喜歡吃植物根部，令農民非常討厭。至於木鱉果係一種鮮紅色水果，外表布滿短刺，營養價值高。