有性趣：象拔蚌壯陽壯腰

象拔蚌係一種營養價值極高嘅貝類，可以壯陽壯腰，有固本培元嘅功效，促進性功能、生精助育、強精益氣、提高精液質量及增強精子活力，適用於治療腎陽虛所致嘅陽痿、腰痛、小便頻數及補五臟之氣不足，患有性功能障礙、遺精、陽痿者經常食用會有助改善。另外，亦有治療肺虛咳嗽、腎虛作喘、虛勞喘咳嘅作用，質潤不燥。同時，象拔蚌含有豐富蛋白質，有助提高免疫力，真係男女都啱食。

想簡簡單單的話，大家可以炮製清燉蚌肉，做法係將新鮮蚌肉洗乾淨後，連同生薑片放人煲中並加適量清水，然後用武火煲滾，再用文火慢燉到爛熟，最後加入適量鹽調味。而呢味清燉蚌肉具有滋養肝腎、清熱明目效果，可以改善肝腎陰虛、腰膝痠軟、眼目昏花、多尿等症狀。