有性趣：妖后性癖係口愛？

原著法文版喺2016年推出時，以漫畫將人類上古時代到21世紀嘅性愛歷史講述出嚟，不但成為話題著作，更先後被翻譯成14種語言暢銷全球。全書共分為12個篇章，分別講述性愛嘅源起、性別平權古埃及、多情眾神古希臘、羅馬嘅輝煌與墮落，及至21世紀與未來嘅性愛文化等，果真係從古代講到現代之餘，內容亦相當豐富。

除咗關於性文化及觀念嘅演變及發展外，更搜集唔少奇聞性軼事，好似埃及妖后克麗奧佩脫拉嘅嗜好，居然係為侍衞進行口愛？喺上古時代嘅酒神節，所舉行嘅性器祭典係點樣嘅呢？法國國王亨利四世竟然有性慾亢進嘅問題？維多利亞女王嘅情慾生活又係點？透過有趣嘅故事，為大家帶嚟與別不同嘅性愛歷史知識，難怪書評人稱呢本書係趣味性同資料性兼備嘅書籍啦！