今夜一丁：望月琉叶美乳演歌女

最近日本寫真界嘅童顏巨乳掌門人篠崎愛重出江湖，激凸巨乳再次暴露喺觀眾眼前，於是有人覺得好意外，畢竟佢早幾年疊埋心水封胸轉型做歌手，而且堅持咗咁耐，家陣居然走番出嚟拍寫真，好可能同歌唱事業唔多掂有關。其實喺日本，歌手踩入寫真界騷身材吸人氣係好普遍嘅事，望月琉叶係近年另一個唱唱吓歌走去拍寫真嘅女歌手。講真，今年25歲嘅琉叶，個樣唔算生得好標緻，腮骨有少少凸出，仲有少少哨牙添，但笑起上嚟都幾甜美討好。身材方面，阿妹屬於纖巧型，上圍同坐圍有啲肉地，胸前對E奶有番咁上下斤両，配埋精選泳衣嘅承托效果，好易營造出一條深長乳溝同酥胸逼爆衫嘅感覺。

琉叶喺上年出道，不過唔係拍寫真，而係做演歌歌手。一般嚟講，演歌歌手嘅年紀比較大，所以佢咁後生就出嚟唱演歌，都幾令人驚訝。為咗提升自己嘅人氣，阿妹喺出道無耐就走去拍寫真，而呢個決定真係好明智，事關佢嘅身材凹凸有致，令好多人對佢留下深刻印象。

其實琉叶之所以行呢條路，都係出於一片孝心，因為佢阿媽一直好想做演歌歌手，但夢想無法實現，而佢自細有學唱歌，又對演歌感興趣，所以決定繼承阿媽呢個志願。除咗以個人身份獻唱，琉叶仲係演歌女子組「民族HAPPY組」嘅成員，佢仲為今年定下目標，就係喺來年嘅紅白大賽中登場，希望佢可以夢想成真啦！

望月琉叶近期相當活躍，頻頻跟隨所屬組合四處演出，亦以個人身份參加綜藝節目，想知多啲佢嘅最新消息，就要多啲留意佢嘅社交網。

網址：https://twitter.com/lucachi_hpp

年　　齡：25歲

身　　高：5呎

三　　圍：32-23-32

撰文：賢