有性趣：女士恩物 還原緊緻丹

佢記載於明代洪基所著嘅《攝生總要》當中，可以話係名人效應嘅一個例子，事關佢借用秦始皇迷上煉丹方術而命名。不過藥方中「童女」二字，卻又跟到蓬萊尋仙丹嘅徐福，所攜同嘅童男童女一啲關係都冇，而係指女士用後私處「勝如童女」，簡單嚟講，即係變得緊緻嘅意思。

當中嘅材料分別有石榴皮、青木香、茱萸及生明礬，做法係先將茱萸去肉核，然後將所有材料碾成細末。使用時取出少許加溫水搽喺女士蜜洞便可。雖然唔知藥方係咪真係有效，但係材料中嘅石榴皮，據魏晉時期陶弘景所著嘅《名醫別錄》稱，具有「治漏精，止瀉痢」嘅作用。