有性趣：雞蛋壯陽靠偏方

呢道雞蛋壯陽偏方叫「還元固本蛋」，先搵嚟小母雞7隻，養到佢哋生蛋後，各取佢哋所生嘅第一隻蛋，集齊7隻蛋便可開始動手。做法係第一日先用3斗白米連殼煮熟第1隻蛋，飯熟後取走米飯。第二日再用3斗米，放第一日煮熟嘅蛋及第2隻蛋，飯熟後取走米飯。第三日又用3斗米連同第一及第二日嘅熟蛋及第3隻蛋煮熟，如此類推，7日後便集齊7隻熟蛋。

食蛋亦要順序，首先食第一日煮熟嘅蛋，翌日再食第二日嘅熟蛋，後日再食第三日嘅熟蛋，如此類推。書中稱食晒7隻蛋後，具有「陽物堅久，長大一倍，有三倍之功，添精長髓，久戰不洩」嘅功效，係咪咁堅？真係信不信由你。不過從中醫學角度嚟睇，其實想用雞蛋達至壯陽之效，倒不如食韮菜炒雞蛋、小茴香炒雞蛋等，效果更佳，而且做法簡單得多。