有性趣：椰菜益腎填精髓

椰菜又叫洋白菜、捲心菜、高麗菜，從中醫角度嚟睇，味甘，性平，歸胃、腎經，具有益腎補虛、清利濕熱、散結止痛等作用，更有治療濕熱黃疸、消化道潰瘍疼痛、關節痠痛等功效，有好多中醫典籍亦有記載椰菜嘅好處，如《千金要方•食治》就話：「久食大益腎，填精髓，利五臟，調六腑」，絕對係男人強身嘅最佳蔬菜，而且仲有止痛及促進傷口愈合的功能添。

此外，椰菜含有半胱氨酸和蛋白質，兩種都係協助肝臟解毒嘅元素，所是多食椰菜對於保護肝臟相當有益。另外，現代營養學研究發現，椰菜含有多種維他命、微量元素以及膳食纖維，當中亦含有維他命U，具有對抗胃、十二指腸潰瘍，以及制酸止痛等作用，對於強健胃部好有幫助。