有性趣：揭開男人情慾秘密

畢業於同濟醫科大學，從事泌尿外科工作20多年嘅作者，自2014年起便於網上發表並回答一啲男人想知又唔敢問嘅生理及情慾問題，當中嘅內容甚至被網民整理成手抄本喺網上瘋傳，原因係佢將男人嘅「私事」，變成引人入「性」又有知識性嘅科普知識，而呢本書就係將佢多年嚟嘅回答內容整理出嚟嘅精華。

當中講到男人最關注嘅問題，就係壯陽，坊間有唔少說法，好似食韭菜、生蠔、朱古力等有壯陽功效，仲因此發展成一條又一條嘅產業鏈，只係究竟有冇效用呢？任醫生便以其專業知識，及從事泌尿科工作多年經驗，總結出最有效嘅壯陽秘方，據稱可以喺3個月見效，令男女皆大歡喜！至於係咪咁堅，真係要試過先知喇！