昔日東方有性趣：河豚肉 滋補肝腎
世界上好多美食都有可能對身體帶嚟傷害，好似膽固醇相當高嘅動物內臟，食得多好易引起心血管問題，但佢哋始終唔及一樣食物咁致命，就係含有致命毒素Tetrodotoxin嘅河豚！不過，只要處理得宜，河豚肉唔止無毒，而且口感鮮美，仲係男人增強雄風嘅佳品！
別名多多
跟鰣魚、刀魚合稱「長江三鮮」嘅河豚，有好多別名，包括赤鮭、鯸鮧魚、鯸鮐、鮭魚、鶘夷魚、嗔魚、規魚、鰄魚、吹肚魚等等，而且種類繁多，當中人工養殖嘅河豚通常無毒，野生河豚則要小心處理，否則食後有可能中毒。
可治陽痿
喺中醫學角度，河豚味甘，性溫，歸肝、腎經，具有滋補肝腎、祛濕止痛等作用，更對於治療陽痿、遺尿、眩暈、腰膝痠軟、風濕痹痛等問題有幫助。另外，坊間流傳用河豚魚嘅魚鰭泡酒可以壯陽，同虎骨酒有異曲同工之效。
營養豐富
河豚肉除咗可以滋補肝腎外，仲含有豐富膠原蛋白，既有補虛強身嘅功效，亦對美容養顏有幫助，可增強皮膚彈性。另外，因為河豚肉含有多種不飽和脂肪酸，包括DHA同EPA，多食能夠健腦補腦。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
