有性趣：楊妃不寐方長戰長有

佢記載於古代偏方奇書《毓麟驗方》入面，藥方有冇真係經過驗證就唔知，至於當中嘅楊妃未必係楊貴妃，有人猜測佢可能係隋煬帝個女，唐太宗嘅妃嬪楊妃。姑勿論如何，呢道藥方嘅材料有啲乜？分別係蓽茇5分、北細辛6分、黃丹3分、川椒4分、麝香5釐、飛礬1分及蛇床子1錢。做法相當簡單，只需將所有材料混合碾成細末，再用煉蜜搓成黃豆般大嘅藥丸便可。

用法有少許技巧，將粒藥丸放入尿道口，然後進行活塞運動。雖然諗起感覺已有啲赤赤痛，但書中稱用後不但能提升持久力，更能提升授孕率。材料中嘅蓽茇，其實係胡椒科植物蓽茇未成熟嘅果實，據五代前蜀李珣所撰嘅《海藥本草》稱，蓽茇具有治虛冷、頭痛及泄瀉等作用。