有性趣：金玉連環媲美印度神油

佢記載喺古代偏方奇書《毓麟驗方》之中，藥方嘅材料相當多，部分材料更要先經過特別處理，需要花時間同工夫，當中包括有肉桂、細辛、起陽石等各二錢，經鵝油炙過嘅鎖陽，用葱汁浸蒸過嘅母丁香，頭尾俱全嘅蛤蚧一對以及蟾蜍酥一錢等，一共用上15種材料，真係幾繁瑣。

至於製作方法，就係將所有材料碾成細末，之後用煉蜜搓成藥丸，再以石青為衣。每日於申時（下午3時至5時）將半粒藥丸以溫水融化後搽喺兵器上，待乾透後便可穿着褲子，行房前先用溫水清潔兵器，然後就可以進行活塞運動，據稱可以發揮出強勁雄風，而且長戰長有。根據清代汪昂所撰嘅《本草備要》，蛤蚧具補肺潤腎、益精助陽等作用，所以呢道「金玉連環」的確有壯陽功效。