昔日東方有性趣：乳鴿 滋腎壯陽益氣
唔少人都喜歡食乳鴿，原來鴿肉對男人嘅雄風更有補益作用添！鴿子別名鵓鴿，喺古代係傳寄書信嘅工具，故又叫飛奴，喺公元前3000年嘅埃及菜譜上面，就已經記載有關鴿子嘅烹調方法，從中醫角度嚟睇，鴿肉味鹹，性平，歸肝、腎經，有滋腎益氣、壯陽、補肝等功效。
促進血液循環
鴿肉含有高蛋白質，而且容易吸收和消化，脂肪含量亦低，仲含有鈣、鐵、銅及維他命A、B及E，可謂營養豐富，絕對係最佳肉食。此外，乳鴿嘅骨內含有軟骨素，有助改善皮膚細胞活力，增強肌膚彈性以及改善血液循環，而鴿肉含有嘅支鏈氨基酸同精氨酸，仲可以促進體內蛋白質合成，對於加快創傷愈合相當有幫助。
改善早洩
想食鴿肉又唔一定要食燒乳鴿，北芪杞子燉乳鴿就係一個補身嘅好選擇。而要炮製呢個菜色，先將劏好兼清洗乾淨嘅乳鴿，連同內臟及30克北芪及杞子一齊放入燉盅內，加適量清水，然後隔水燉熟，咁就可以食肉飲湯喇，具有補心益脾、固攝精氣嘅功效，有助改善早洩、陽痿、體倦乏力等症狀，男人一定要試！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
