有性趣：艾灸腰陽關溫腎壯陽

原名陽關，別名脊陽關、背陽關，屬督脈其中一個穴位，而督脈為人體嘅「陽脈之海」，係一身陽氣之所在。

腰陽關位於腰部後方正中線第4腰椎棘突下凹陷處，呢個穴位布有腰神經後支嘅內側支同腰動脈後支。

想刺激腰陽關，可以喺呢個穴位進行熱敷，每次用熱毛巾或熱水袋敷20分鐘到半小時。如果採用按摩方式，可以用大拇指喺腰陽關穴打轉按摩，每次按揉100下。想使用艾灸嘅話，可以用艾條溫灸15至20分鐘。

適當地刺激呢個穴位有溫腎陽、利腰腿嘅效果，可以治療遺精、陽痿、下肢麻痹等問題。