有性趣：浸浴都可以壯陽？

佢出自年代及作者均不詳嘅《毓麟驗方》中，採用嘅材料有12種，而且對藥材質素嘅要求亦好高，包括有肉蓯蓉、陽起石、仙靈脾、三奈子、大附子、肉桂、蛇床子等。做法係將各種材料混合磨成細末，然後放入盛滿暖水嘅沐浴桶，加入麝香後便可以浸浴，每日浸3至4次，聲稱10日後會出現「奇妙異常」效果。

雖然《毓麟驗方》呢本偏方奇書，當中嘅藥方可信性唔高，但係呢道「滌痿興陽湯」所用嘅材料，卻又真係對男士嘅雄風有作用，其中仙靈脾，原來即係淫羊藿，據《神農本草經》指淫羊藿「主陰痿絕傷、莖中痛、利小便、益氣力、強志」。此外，三奈子即係沙薑，又叫山奈，具有壯陽及健脾胃嘅功效。