有性趣 ：淑女變慾女

書中教導女士喺兩性關係中點樣做主動嘅角色，用自然嘅方法嚟誘導男士，挑起對方無比慾望。據作者稱，喺現今追求男女平權嘅年代，卻仍有唔少女士羞於提出性要求，甚至覺得主動求歡係羞恥嘅事，亦正因為有咁嘅諗法，以致唔少女士為滿足男方嘅慾望，而甘願捨棄自己嘅床上快感。因此書中喺第一章便指出，女士首先要認識自己嘅身體，並且要學識愛錫自己。

做好第一步之後，就係時候認識自己嘅生殖器官，尤其係某啲性感帶，更係絕對唔可以忽略。當然要做到享受性愛，仲要做好思想上嘅準備，故此書中會講解多個坊間女性對性愛錯誤睇法。此外，仲為女士介紹多種提升性愛技巧嘅方法。不過，大家咪以為全文字會好悶又難明，事關書中圖文並茂，睇起嚟更有樂趣同易明，係一本相當有趣嘅女性專享性態度作品。