有性趣：臭蟲原來可治陽痿

佢嘅學名叫「Coridius Chinensis」，係一種會飛嘅青黑色甲蟲，身形如指甲般大小，會爬喺植物嘅莖葉上吸食漿液，當受到外界刺激時就會放出臭氣，冇錯！佢就係大家所謂嘅臭蟲。不過，並非所有九香蟲都具有藥用功效，只有產於雲南、四川、貴州等地先至會用作藥材，更要喺春、秋季捕捉嘅才有藥用價值，對於陽痿、遺尿、腰膝痠軟乏力有療效。

據清代張璐撰寫嘅《本經逢原》稱，九香蟲具有「治脾腎虧損，壯元陽」嘅作用，而明代張時徹所輯嘅《攝生眾妙方》中，有一道具興陽益精藥方「烏龍丸」，材料分別有九香蟲、車前子、陳皮、白朮及杜仲，做法係先將九香蟲及車前子烘乾，混合其他材料碾成細末，再用煉蜜搓成綠豆般大小，每次以鹽水送服5克，便能起到壯陽作用。