今夜一丁：染谷有香 最強Body裸到盡

有冇睇過日本經典漫畫《雷朋三世》？好多人都被當中嘅刺激場面同搞笑情節所吸引，但喺筆者眼中，女主角峰不二子先係最正！身份為職業盜賊嘅佢，唔止靚女，仲要係胸大腰幼又高挑，呢種身材喺日本人眼中簡直係極品！而喺現實生活中又搵唔搵到咁正嘅身材？喺日本寫真界就有位女優被業界形容為「現實版峰不二子」，佢就係染谷有香！

今年29歲嘅有香，個樣冷艷高傲，身材更加係高質素，擁有5呎9吋嘅高度之餘，仲有前有後，上圍對G奶飽滿，質感天然又夠彈性，襯埋纖腰美股，因而又被人封為「靈長類最強Body」。

其實有香讀高中嗰陣已經生得亭亭玉立，喺社區入面係人人都識嘅美人兒，後來佢一心想做明星，於是參加漫畫雜誌《少年剛》嘅形象女郎選拔，最終獲得特別獎，順利躋身藝能界，兼且好快獲演出電視劇嘅機會，處女作就係《華和家之四姊妹》。之後，有香投身寫真界，憑住最強Body，人氣急升，雖然佢曾經因為忙於影視圈工作而暫別寫真界兩年，但2019年回歸時，聲勢依然好勁。最近，佢終於決定推出第二本寫真集，書名叫《This is the beginning》，意思係自己快將踏入30歲，所以現時決定告別以前嘅演出風格，重新開始。喺寫真集入面，有香可以話瞓身演出，有好多全裸上陣嘅場面，將其最強Body表露無遺，真係令人好期待呀！

社交網站

染谷有香即將推出最新寫真集，所以最近頻頻喺社交網發表相關消息，仲將拍攝花絮透露畀大家知。

網址：https://twitter.com/someyaaa_

染谷有香

年齡：29歲

身高：5呎9吋

三圍：37-24-35

撰文：賢