宅男天地：帶住後宮去冒險

冒險、戰鬥、美少女加後宮，絕對係遊戲迷最愛嘅元素，如果加插埋香艷嘅肉搏場面，豈不是更正！難怪呢款由Windmill Oasis製作嘅《永恒的Campanella》，備受成人遊戲迷嘅期待。故事發生喺一個名為奧特拉斯提亞嘅北方王國，當地流傳一個講法，話說喺100年前有個名為「綠洲」嘅組織拯救咗大地，只係組織副隊長切斯特．西爾弗陷入沉睡。多年後，切斯特終於甦醒，而身為國民偶像嘅公主克蕾西亞亦對「綠洲」呢個傳說同埋切斯特產生濃厚興趣。為咗尋找傳說嘅真相，佢哋聯同安潔莉可同朱麗葉，組成後宮冒險隊……另一邊廂，沉睡喺一個遺迹嘅神秘少女柯萊特突然甦醒，佢仲肩負住毁滅世界嘅任務，究竟故事會演變成點？