有性趣：韭子丸 男人重拾自信

佢先後見載於唐代孫思邈所撰《備急千金要方》、宋太宗詔編《太平聖惠方》及宋徽宗詔編《聖濟總錄》之中，雖然藥方名稱一樣，但係所用材料卻有少許分別，其中以《備急千金要方》所用材料最多，包括有韭菜子、山茱萸、當歸、天雄、紫菀、薯蕷等多達31種藥材，做法係將所有材料碾成細末，再混以牛髓、煉蜜及棗膏搓成丸狀，聲稱可以治療房事過度、早洩、腰背不得屈伸、食不生肌及腳軟無力。

至於材料中嘅薯蕷係乜嚟呢？原來即係我哋熟悉嘅淮山，又叫山藥，主產於河南、江蘇、廣西等地。據明代張介賓所撰嘅《本草正》稱，淮山具「健脾補虛，滋精固腎，治諸虛百損，療五勞七傷」嘅作用。