有性趣：強龜益女丹一男御十女

呢道藥方記載於明代洪基所著《攝生種子秘剖》中，材料有紅豆、砂仁、良姜、五味子及晁腦，做法係將所有材料碾成細末再混合便可。每次行房前，將少許粉末加溫水搽喺兵器上，就可以喺床上大戰多個回合，仍然金槍不倒。書中稱：「可度十女，女亦無損」，意思即係不但可以一夜力戰10個囡囡，而女方嘅身體亦唔會有任何受傷。

至於材料中嘅晁腦，大家知唔知係乜嘢嚟呢？原來即係樟腦，取自樟樹，樹齡愈老嘅樟樹含有樟腦愈多，經提煉製成顆粒狀結晶。中醫學認為樟腦入心、脾及足厥陰經，具有消毒止痛功效，而據明代刊印嘅《本草品匯精要》稱，樟腦具有「主殺蟲，除疥癬，療湯火瘡，敵穢氣」嘅作用。