有性趣：AV天王教路高潮唔重要

性愛唔係講求高潮咩？點解日本天王級AV男優清水健，竟然喺佢嘅著作《完美性愛實戰講座》中，話性高潮並唔重要呢？講性愛經驗，有「萬人斬」之稱嘅清水健，絕對係男人之中嘅王者，佢演出AV超過20年，不但經驗豐富，更長期跟醫生進行專業諮詢，因而獲得大量關於性愛、生殖及健康嘅知識，名副其實係實戰及理論兼備嘅床上悍將。喺書中，佢除咗教授性愛實用技巧，仲教大家性福嘅秘訣，就係要捨棄「一定要令對方高潮」嘅諗法，反而應抱住「可以同對方一齊實在太好」、「下次仲想同對方曳曳」嘅觀念。