AV達人：小惡魔天后引退

每次聽到有AV女優退役，筆者都有啲唔捨得，畢竟對方好可能陪自己度過寂寞難耐嘅深夜，好似最近發表引退宣言嘅涼宮琴音，就令到好多AV迷覺得可惜。今年28歲嘅琴音，屬於小惡魔系嘅天后級人馬，出道至今已經有9年時間，先後以「香椎南」、「白咲碧」等藝名演出，仲有段日子淪落到拍四仔。阿妹冇因為人氣欠佳而放棄女優生涯，後來改名為涼宮琴音，加上努力演出，終於得到一眾AV迷嘅認同，仲得到AV廠MAX-A招攬為專屬女優，出席攝影會活動更加係大受歡迎。不過，阿妹最近喺社交網宣布引退，仲話會喺告別前盡地一煲，安排大量公開活動同粉絲見面，兼且多拍幾套精彩AV作品，所以未來日子會相當忙碌。難得琴音咁識做，粉絲冇理由唔支持吧！筆者就喺度預祝琴音引退後生活愉快！