有性趣：專治陽痿固真膏

佢見載於清代馮楚瞻所著《馮氏錦囊秘錄》當中，所用嘅材料相當多，製作過程亦相當繁瑣，包括有補骨脂、胡桃、山茱萸、山藥、菟絲子、肉蓯蓉、鹿茸等16種材料，而每種材料均要分別先行處理，有部分要酒浸一晚後再去皮或烘乾，然後將佢哋磨成細末，再混合並製成膏，或加以煉蜜搓成丸狀。

服用方法係每日早晚各服3錢，並以白湯或溫酒送服，聲稱有填補精血及壯固元陽嘅作用，故此雖然材料多及做法繁瑣，喺古時仍然深受男士歡迎。喺多種具補腎助陽嘅材料中，相信以胡桃最為大家熟悉，佢又稱胡桃仁，具有補腎溫陽以及強健腰膝嘅作用。