有性趣：以形補形 羊腎補腎氣

有冇聽過以形補形？想補腎，食羊腎係其中一種選擇。羊腎又稱為羊腰子，含蛋白質、脂肪、鈣、磷、鐵、性激素等成分。喺中醫學角度，羊腎味甘性溫，歸腎經，據《別錄》記載，其好處包括「補腎氣」、「益精髓」，對於改善腎虛勞損、腰脊疼痛、足膝痿弱、陽痿、尿頻、遺溺有幫助！

1.羊腎蒸蛋

做法：將一對羊腎洗淨後切碎，放入碟中加適量蛋漿和少許鹽粒，蒸熟後可食用。

功效：可改善腎陽虛衰、腰腿無力、陽痿遺精等問題。

2.杜仲羊腎湯

做法：將一對羊腎、15克杜仲放入煲內，加適量清水，以文火煮一小時，一日分兩次食用。

功效：改善腎氣不足、腰腿痠等問題。