世界Cup：蒼野杏谷出對Ｈ奶

針無兩頭利，好多事情都係有得有失，就以女人嘅身材為例，追求瘦身往往會令上圍縮水，點先可以做到又弗又好波？確係一大難題！今期「世界Cup」嘅主角蒼野杏都算係幸運兒，之前因為食得太多而搞到肥嘟嘟，卻意外換嚟一對飽滿嘅H奶，後來成功減肥後，上圍竟然冇走樣，真係羨慕死人！

顏值分析

今年23歲嘅蒼野杏，個樣生得幾有個性，尤其係一雙眼精靈有神，笑起上嚟更加迷人！

愛着細碼露半球

做人要識得揚長避短，但家陣好多女仔都唔明呢個道理，波平如鏡偏偏要着低胸衫，對腳粗過燈柱就走去着迷你裙，係就係好吸睛，但出嚟嘅效果唔係驚艷而係驚嚇囉！想透過衣着令自己嘅身材優點更為突出？咁就要學吓日本寫真女優蒼野杏。身高5呎5吋嘅佢，有前有後，條腰又夠晒幼，所以着親啲衫都會露出長腿纖腰。而最抵死嘅係，佢明知自己個胸咁大，拍寫真時，特登着細碼泳裝，搞到張張相都露半球，非常誘人！

翻身成功登埋台

其實杏妹一直好想投身藝能界，但有段日子因為暴飲暴食，搞到體重急增10公斤，連個胸都火速發育，呢個意外收穫令佢成功喺2018年躋身日本寫真界。當時阿妹以藝名「高杉杏」拍寫真，但出道之後，人氣始終彈唔起，令佢喺舊年一度諗住引退。好彩嘅係，杏妹離開前事務所之後，獲得大型藝能事務所R.I.P招攬，令佢成為森咲智美、犬童美乃梨、橋本有菜等寫真天后嘅師妹，因而重拾鬥志，決心喺寫真界闖一番事業。公司仲安排佢同多位寫真妹以女子組合「sherbetNEO」名義登台，前途一片光明。

最新動向

除咗忙於拍寫真，蒼野杏呢期經常同埋「sherbetNEO」嘅隊員四圍登台演出，十分活躍。登入佢嘅社交網站，就會留意到佢嘅最新動向，仲可以搵到好多性感靚相添！

網址：https://twitter.com/an_aono728

「胸」器解構

上圍：35吋H Cup

養眼度：★★★

噴血度：★★★★

評語：夠彈力又夠堅挺，襯埋細碼水着，胸形顯得更加「圓」美！

蒼野杏

年齡：23歲

身高：5呎5吋

三圍：35H-24-35