有性趣 ：貂蟬催情偏方

至於呢道偏方點解會同貂蟬扯上關係，真係無法考證，只知道最早見載於宋初陳希夷所著《房術玄機中萃纂要》入面，據稱材料分別有訶子及枯礬各1錢、川椒末、晃腦及桃毛各3分，仲有母丁香一個。做法係先將訶子炒至外皮變黃色，再將所有材料混合碾成細末，然後用煉蜜搓成黃豆般大小嘅丸狀。

喺行房前，將一粒丸放入女性蜜洞內，聲稱使用後「亦美亦緊亦趣」，意思係不但令女伴提升情慾，更令蜜洞變得緊緻。至於材料中嘅訶子，盛產於雲南、廣東、廣西等地，喺秋天及冬天採集後曬乾而成。據清代醫家張璐所著《本草逢原》稱：「訶子苦澀降斂，生用清金止嗽，煨熟固脾止瀉。」