昔日東方有性趣：雞腸可治遺精
打邊爐絕對係朋友飯局必然選擇之一，當中嘅配料梗係唔少得肥牛，男士想進補的話，亦可以選擇羊肉片，以及被視為補身佳品嘅雞子，但好多人都唔知，原來雞腸亦一樣對男人有益！從中醫角度嚟睇，雞腸味甘，性平，歸腎經，具有益腎、固精、止遺功效，對男人嘅雄風絕對有補益作用！
唔少古代中醫藥典籍都有記載雞腸嘅功效，據《神農本草經》及《名醫別錄》稱，可治遺溺，能清除體內毒素和多餘嘅水分，促進血液和水分新陳代謝，有利尿、消水腫作用。此外，對女性亦一樣有益，可治療帶下問題。
注意分量
雞腸含有豐富蛋白質、維他命A及維他命B群，仲有鈣、磷、鉀、鈉、鎂、鐵、鋅、硒等多種營養素，不過大家要留意，雞腸嘅脂肪同膽固醇嘅含量亦比較高，所以要注意分量，千祈唔好食用過多。
至於清洗及處理方法，首先用刀子把雞腸割開，用水沖洗乾淨後，再用食鹽搓洗去除黏液，然後煲滾水，將雞腸放進熱水中燙熟，再過冷水，經過這樣處理嘅雞腸就非常乾淨啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
