有性趣：礦石都可以壯陽？

喺明代洪基所著嘅《攝生總要》中，便收錄咗呢道用上三種礦石嘅壯陽偏方「四時入門歡」，材料有石燕、陽起石、磁石、朱砂及雀腦一個，當中嘅陽起石、磁石及朱砂均係礦石類藥材。做法係將所有材料碾成細末，然後加入雀腦搓成丸狀，每日服用7粒，空肚以酒送服便可。

材料中嘅陽起石其實係矽酸鹽類礦物，別名白石、石生、羊起石等，主產於湖北、河南等地，有乳白、青白、青灰等唔同顏色，有光澤、易捏碎、純淨無雜石者為佳。據唐代甄權所著嘅《藥性論》稱，具有補腎氣、壯陽、治療腰膝痹痛及暖女子子宮等功效。