有性趣：老奴丸70歲變少壯

古代中國民間有唔少壯陽藥方，當中有唔少不但藥方名古怪，更附有故事以增加可信性，其中就有呢道「老奴丸」。話說成都府有位叫崔磨玉，一直恨生仔，因而獲得一道報稱包生仔嘅藥方，可惜未服已身故。佢家中一位70歲老奴偷偷服用，不但諸病盡除，行房更如少壯，仲搭上崔磨玉嘅遺孀褚氏。之後因懷孕而被崔磨玉嘅娘親發現，命人打死老奴，卻發現佢嘅斷骨顏色如金，便命人試服此藥方，發現確有神效。呢道咁神奇嘅藥方出處，原來嚟自明代太醫院院使董宿所著嘅藥書《奇效良方》，真係信不信由你！