有性趣：皇帝御製壯陽秘方？

佢最早見於明嘉靖庚戌年任東明出版嘅《房術奇書》，後來被收錄於洪基所著《攝生總要》中。當中嘅元順帝確有其人，歷史上嘅佢毀譽參半，有人話佢胸懷大志，亦有人話佢荒淫無道，尤愛鑽研房中術，惟獨發明家之名卻係不假，難怪呢道偏方會用上佢個名啦！

材料分別有丁香、僵蠶、陽起石、木香及乳香各二錢，配以乾葱一條混合並碾成細末，再以酒搓成丸狀，每日以溫酒送服3粒。書中稱：「寅夜不洩，冷水解。」寅夜即係深夜咁解，意指能曳曳至深夜。

當中僵蠶，又稱僵蟲、天蟲，係蠶蟲感染白僵菌死後乾燥嘅屍體。據《本草綱目》稱，具散風痰結核、頭風、風蟲牙痛、皮膚風瘡等功效。