今夜一丁：名取久瑠美黃金比例BODY

日本寫真界每年舉辦好多選美活動，而今日同大家見面嘅名取久瑠美，就喺今年年初奪得「Miss FLASH 2021」冠軍寶座喇！今年25歲嘅佢，氣質美艷且帶成熟感覺，屬於姊系面孔，感覺溫柔卻又有幾分妖媚氣韻。不過，有人就話佢個樣靚得嚟好似有幾分「人工味」，亦有人話佢同AV天后明日花綺羅有幾分相似，唔知大家點睇呢？

其實相似嘅地方仲有身材，兩位美人都係薄身又好波，而久瑠美上圍有對脹卜卜嘅F Cup美巨乳，外形渾圓又堅挺，腰肢同雙腿都相當纖幼，體態簡直係接近完美，寫真界更盛讚為「壓倒性之黃金比例Body」，同明日花綺羅嘅超絕品Body的確係有得揮，如果久瑠美下海拍AV嘅話，相信人氣同成就一定會更上一層樓。

2018年佢加入寫真界，到2019年推出首隻寫真DVD作品《Walnuts milk》，人氣漸漸上升。上年參加選美活動「Miss FLASH 2021」，幾經努力之下，最後成功與另外兩位寫真女郎霧島聖子及益田安娜齊齊奪得冠軍寶座。之後人氣與日俱增，工作忙個不停，最近更加入賽車女郎行列，成為車女團體「Pacific Fairies」其中一員，仲參加車女選美活動「日本賽車女王大獎」。

另外，佢亦開設個人視頻頻道，上載好多以美食為主題嘅片段，當中阿妹盡情品嘗各種美食，以充滿治愈感覺嘅進食聲音取悅大家嘅聽覺之外，仲會大露乳溝上陣，將食與色嘅誘惑融為一體，真係好好睇呀！

久瑠美曾經話希望一年365日都向大家展現不同嘅內衣，而從佢嘅社交網就可以睇到阿妹經常身穿內衣嘅性感自拍照，真係睇到目不暇給，仲好有遐想呀！

網址：https://twitter.com/natori_kurumi

年齡：25歲

身高：5呎3吋

三圍：34F-23-34

撰文：賢