有性趣：禿雞散弱男救星？

呢道藥方最早記載於古代房中術名著《洞玄子》，書中指當年蜀郡太守呂敬大70歲時納小妾，卻因不舉而煩惱。一日喺山中小廟獲老僧贈以藥方，結果佢服後連生三子。不過，因為小妾跟佢行房後私處出疹並疼痛難當，太守認為此藥所害便棄於庭中，公雞誤食後竟狂性大發，追逐母雞交歡幾日不斷，最後竟將母雞頭頂毛都啄光，因而獲「禿雞散」之名。

材料方面，有肉蓯蓉、五味子、菟絲子及遠志各三分，蛇床子四分。做法係將所有材料碾成細末並混合，然後空腹用酒送服，據稱能溫腎壯陽，男士喺床上久戰不敗。據《神農本草經》指，藥方中所用上嘅五味子，具有「主益氣，咳逆上氣，勞傷羸瘦，補不足，強陰，益男子精」嘅功效，對提升男士床上表現有一定作用。