有性趣：人參補氣 床上表現更強

百草之王

人參為五加科多年生草本植物人參嘅根，又有棒錘、山參、園參、參葉、人銜、鬼蓋、土精、神草等別名。另外，人參被稱為「百草之王」，亦為「東北三寶」（人參、貂皮、鹿茸）之一，主要產地為吉林、遼寧、黑龍江等地區。

大補元氣

人參性微溫，味甘、微苦，歸心、肺、脾經，具有大補元氣、補脾益肺、生津安神等功效。唔少中醫藥典都指出人參有好強嘅醫藥價值，例如《本經》就有以下記載：「補五臟，安精神，定魂魄，止驚悸，除邪氣，明目，開心益智。」

有助壯陽

作為一種公認嘅補品，好多男人都躍躍欲試，有研究指出人參能夠刺激一氧化氮嘅生成，佢同男士勃起息息相關，所以對改善因心理因素而導致嘅性功能障礙有一定作用。

食用有禁忌？

人參雖然係一種補氣藥材，但係如果冇氣虛病症而隨便服用或多服，反而會導致胸悶腹脹等問題。另外，食人參都要睇季節，秋冬季進食效果比較好，夏季則不宜食用。服用人參之後，切記唔好食蘿蔔。