有性趣：神奇藥酒硬如鐵？

金槍不倒

究竟呢道偏方偏成點？話說佢出自著作年代及作者均不詳嘅偏方奇書《毓麟驗方》，書中稱佢具有「金槍不倒，玉莖硬如鐵，固精不漏如神」嘅功效，名副其實係一次過滿足晒男士嘅三個願望。至於釀造藥酒材料包括淫羊藿一斤、羯羊尾一斤、燒酒十斤及羊油四両。

做法繁瑣

做法係先將淫羊藿剪邊去毛，跟住準備一個瓦罐，再倒入燒酒、羊油及經細火炙燒過嘅淫羊藿，用竹葉封口後，隔水煮一日一夜，然後將瓦罐放入泥土內，7日後便可飲用，每日黃昏飲一杯便可，據稱服後能通宵大戰喎。雖然偏方可信性成疑，但從中藥學中嚟睇，羊尾對治療腎虧陽痿、腰膝痠軟等有一定效果。