AV達人：寫真偶像準備找數

周不時有網民喺網絡上籌集「Like」數，仲會開出期票，話如果達到某個數目，就會做乜做物。早排，寫真妹花芽愛麗絲喺網絡宣布，只要社交網帳戶嘅追隨者達到1萬嘅話，就會下海拍AV，呢個消息好快喺AV迷之間引起熱議，結果追隨者話咁快達標，好多AV迷齊齊呼籲佢快啲找數。其實喺上年開始推出寫真碟嘅佢，演出風格極為大膽同好有挑逗性，出道冇幾耐就已經搞到三點盡露，所以轉戰AV界似乎係意料中事。見到有新人，仲要係寫真偶像即將下海，唔少AV迷都好期待，亦有人覺得所有嘢都係AV事務所一早設定嘅套路，先安排愛麗絲拍寫真，然後搞個籌集追隨者活動嚟帶起話題，令佢喺正式出道時有更多人注意。講到尾，有靚女肯為AV迷瞓身演出，點都值得支持，你話係咪？