昔日東方有性趣：蠶蛹益精氣強陽道
所謂苦口良藥，唔少有益嘅食材都係味道差勁或者賣相嚇人，好似蠶蛹，就唔係人人敢放入口，但對增強雄風卻有極佳效果！
中醫點睇？
蠶蛹又叫繭蛹、小蜂兒，性平味甘，歸胃、脾經，喺中醫角度，有益精、助陽、祛風、健脾、鎮驚、安神等功效。另外，據中醫典籍《備急千金要方》嘅記載：「益精氣，強男子陽道，治泄精」，蠶蛹嘅好處顯而易見。
有咩營養？
從營養學角度睇，蠶蛹含有多種不飽和脂肪酸、酚類化合物、葉酸、維他命B2、胺基酸同埋豐富蛋白質，能起到增強人體機能、抗衰防老等滋補作用，可作為長者、體弱、病後同產後婦女嘅營養補品。
點樣食法？
1.配核桃仁燉
將80克蠶蛹洗淨，以適量食油略炒，連同150克核桃仁放入大碗，加適量水同肉桂末，隔水燉熟即可當點心食。
好處：補益肝腎、健腦益智、溫肺潤腸，對於因精血不足而引起之陽痿遺精、腰膝酸軟、夜尿頻多有改善作用。
2.配韭菜炒
將200克韭菜、50克蠶蛹分別洗淨，將鍋加熱放入適量食油，放入蠶蛹略炒，再放入韭菜，然後加小量薑末、鹽調味。
好處：補氣養血，溫腎助陽，同埋消除疲勞。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
