有性趣：大補精髓 龜鹿二仙膠

材料矜貴

佢又名「四珍膠」，最早記載於明代醫學家吳昆所著嘅《醫方考》中，而呢本書更係中國史上首部方論著作。材料分別有龜板五斤、鹿角十斤、枸杞二斤及人參一斤，據稱因龜得陰氣最全，鹿角具純陽之性，故能峻補氣血，枸杞則能滋陰助陽，而人參更係大補元氣，故此具補腎陽、益精血、強督脈，甚至有壯陽起萎及大補精髓嘅作用。

並非人人適用

不過大家要留意，因為佢嘅藥性太強，患有感冒、急性感染、腹瀉、肝腎功能差嘅人士，尤其出血型中風病患者均不宜食用。另外，有高血脂及身體虛弱嘅老人同樣不宜。此外，由於要經七日七夜熬煮成膠，加上材料價格昂貴，坊間其實有唔少假貨，故此要小心選擇啊！