大開色戒：純情女優10周年搞眾籌

日本有唔少純情系嘅寫真女優，其中今年25歲嘅前田美里，為咗慶祝出道10周年，早前聯乘日本雜誌《FLASH》，喺眾籌網站為出道10周年寫真集進行籌募活動。

美里表示，雖然佢早喺15歲已經出道，卻發現原來自己從未推出過寫真集，每當睇到好多女優偶像推出寫真集時，內心總會有點遺撼，因此就決定喺出道10周年呢個日子，推出寫真集作為紀念。憑住佢喺日本寫真界嘅人氣，眾籌計劃甫推出，便籌得超過59萬日圓嘅資金，睇嚟到8月底限期前，目標金額250萬日圓（約17.5萬港元）應好會快達成喇！

如果唔知乜嘢叫「指入」，上網搵吓「加藤鷹之手」就會明白晒！提起「指入」，早前日本有位男網民，因為玩「指入」而感染咗性病。呢位叫「Saico_nanpa」嘅網民稱，喺前一晚跟女伴玩「指入」遊戲時，第二日手指及手掌變得紅腫及刺痛，更隨住手臂，經腋下蔓延至下巴！之後佢去醫院檢查，醫生稱是感染咗性病，因此佢喺貼文中表示，以後唔敢再玩「指入」。

雖然佢圖文並茂，但有網民卻質疑事件可信性，亦有網民解釋若然手指有傷口，真係有機會感染性病，故此玩「指入」時最好用上手指安全套。

乜嘢叫「指長比」？即係無名指比食指長咁解。原來外國人相信，男士嘅無名指比食指長嘅話，兵器亦會較長。俄羅斯國家研究大學高等經濟學院（HSE）嘅科學家便對此進行研究，搵嚟7,500名男士作為研究對象，結果發現指長比跟陰莖長短，兩者之間並無任何關係，情況等同有外國人深信，腳掌愈大兵器愈長嘅講法一樣，都係無科學根據。

咁兵器長短又同乜嘢有關？研究團隊嘅科學家Marina Butovskaya表示，兵器長短係跟遺傳及特定環境因素有關，當中嘅環境因素包括飲食及壓力等，均會為男士兵器長短造成重要嘅影響。

撰文：魂